FPMA Melun

Fiangonana manaraka 12 Septamnbra 2010

Mpitantsoratra1 — 2010-08-22T16:47:57Z

Rehefa avy niala sasatra isika rehetra dia mitohy hatrany ny fiarahantsika mivavaka. Koa ny fotoanan-tsika manaraka dia :
Alahady 12 Septambra 2010
Ao amin'ny ERF, 8 av Thiers 77000 Melun.
Manomboka amin'ny 4 ora.
Misy fandraisana ny fanasan'ny Tompo amin'io.

FITSANGATSANGANANA

Mpitantsoratra1 — 2010-07-19T22:12:32Z

Ampifaliana hatrany no hiarabana antsika amin'ny anaran'ny Tompo,

Araka ny efa nalefa tamin-tsika tamin'ny mail sy namafisina teo amin'ny raharaham-piangonana , dia ho famaranana ny taom-piangonana dia hanao fitsangatsanganana isika ny Alahady 25 juillet 2010
Ny toerana dia ao amin'ny Clos notre Dame Route de Chartrette 77000 Livry sur Seine (Plan etsy ambany)
Ny fotoana dia hatomboka amin'ny fanompoham-pivavahana fiderana sy fisaorana an'Andriamanitra amin'ny 11 ora ( izay hatao eny an-toerana ihany).
Samy mitondra sakafo hiarahana mifampizara.
Malalaka ny toerana ka hafaka mitondra kilalao hazon'ny rehetra sy ny ankizy atao.
Misy trano hazon-tsika hampiasaina raha toa ka ratsy ny andro. Koa manentana antsika rehetra mba samy efa hamandrika ny daty ary ho tonga amin'izany.

FIVORIAMBE

Mpitantsoratra1 — 2010-07-04T22:52:55Z

Manasa antsika rehetra mpikambana tompon'andraikitra mba ho tonga amin'ny fivoriambe izay hatao ny 11 Jolay ao aorian'ny fotoam-pivavahana. Tokana ny tanisa dinika :
Fanolorana sy fandanihana ny toe-bola 2009-2010 "Bilan".

FANDALINANA SORATRA MASINA

Mpitantsoratra1 — 2010-07-04T22:27:30Z

Mitohy hatrany ny fandalinana ny soratra masina. Tamin'ny zoma 25 jona no fotoanan-tsika farany teo. Ny lohahevitra nodinihina tamin'izany dia : Ny Fahafahan'ny Kristiana ; Fitiavana sy lalàna :

- Aoka ny Fahafahana natolotr'Andriamanitra antsika tsy ho entintsika araka ny nofo tahaka ny fanaon'izao tontolo izao.

- Andriamanitra izay nanome antsika ny Fanahy sy nahavita asa lehibe eo amintsika no manome tsy mitsahatra ny Fitiavana antsika.

- Ny lalàna dia natolotr'Andriamanitra ho an'ny olombelona mba hifandaminany sy hiainany ny fandriampahalemana sy ny maha - zanak'Andriamanitra azy.

- Ny lalàna dia tsy manohitra ny teny fikasan'Andriamanitra. Ny lalàna dia mpitaiza ny olombelona ho amin'i Kristy mba hohamarinina noho ny finoana isika.

- Ny Fitiavan'Andriamanitra ny olombelona no antony nanomezany antsika ny lalàna mba hahatanterahan'ny didin'Andriamanitra hoe : « Tiava an'i Jehovah Andriamanitrao, amin'ny fonao rehetra sy ny Fanahinao rehetra ary ny sainao rehetra, ary Tiava ny namanao tahaka ny Tenanao »

Ny fotoanan-tsika manaraka dia ny Zoma 9 Jolay 2010 amin'ny 9 ora alina ao amin'ny Centre le Rocheton. Ny Loha-hevitra ho dinihina amin'ny manaraka dia : ny FITIAVANA sy ny FAHAFAHANA (Tohiny).

Poster un message

FANDALINANA SORATRA MASINA

Mpitantsoratra1 — 2010-05-31T16:56:00Z

Araka ny efa fantan-tsika dia tamin'ny Zoma 28 Mai 2010 ny fandalinana ny soratra masina . Ny loha-hevitra nodinihina tamin'izany dia :
Ny Fahafahana natolotr'Andriamanitra ny olombelona.
Nanaja ny fahafan'olombelona Andriamanitra, ary miantso azy (ny olombelona) izy, fa tsy mandidy ary mibaiko azy fa tsy manery.
Izany fahafahana izany dia tsy hataon-tsika entina araka izay tiantsika hatao fa misy harifanina napetrak'Andriamanitra ahazoan-tsika miaina izany amin'ny maha Zanak'Andriamanitra antsika- (Jaona 8 : 32-33 ;36).

Ny fotoanan-tsika manaraka dia ny Zoma 11 Juin 2010 amin'ny 9 ora alina ao amin'ny Centre le Rocheton.
Ny Loha-hevitra ho dinihina amin'ny manaraka dia : ny FITIAVANA sy ny FAHAFAHANA. (Galatiana 5 : 13)

Fifidianana Filohan'ny Sampana SVK

Mpitantsoratra1 — 2010-05-26T22:07:04Z

Nohon'ny tsy fananan'ny sampana Filoha dia handroso amin'ny fifidianana izay olona hafaka handray izany andraikitra izany ny Sampana Vehivavy Kristiana ny :
Alahady 13 Juin 2010
ao amin'ny ERF, 8 av Thiers 77000 Melun
ao aorian'ny fanompoham-pivavahana.

Fifidianana Filohan'ny Sampana SA

Mpitantsoratra1 — 2010-05-26T22:02:30Z

Nohon'ny tsy fananan'ny sampana Filoha dia handroso amin'ny fifidianana izay olona hafaka handray izany andraikitra izany ireo mpampianatra Sekoly Alahady ny :
Alahady 13 Juin 2010
ao amin'ny ERF, 8 av Thiers 77000 Melun
amin'ny 3 ora.

ETUDE BIBLIQUE

Mpitantsoratra1 — 2010-05-26T19:53:05Z

Mampatsiahy antsika mpianakavin'ny Finoana fa ny Fandalinana Soratra Masina "Etude Biblique" manaraka dia :
Ny zoma 28 Mey 2010 amin'ny 9 ora alina.
Ny toerana :Centre Le Rocheton.
Ny ho dinihin-tsika amin'izany dia ny FITIAVANA sy ny FAHAFAHANA

HAFATRA SYNODALY PENTEKOSTA 2010

Mpitantsoratra1 — 2010-05-26T19:44:55Z

Indro HAFATRA PASTORALY avy amin'ny “ Past Synodaly Jean RAVALITERA Filohan'ny FPMA “ amin'izao PENTEKOSTA 2010 izao

Fandaharana S21 Toulouse - Choralie XI (2)

Mpitantsoratra1 — 2010-05-24T20:45:00Z

Indro hampitaina amin-tsika ny Fandaharan'ny Radio Vatsy FPMA izay rehan-tsika tsy tapaka ao amin'ny http://fpma.net/radio